General Santos City–Giangkon karon ni Dra. Lalaine Calonzo- ang labaw sa City Epidemiology Surveylance Unit sa Gensan nga mas istrikto pa nga pagbantay sa mga border sa Gensan ang mahitabo karon nga napailawom na sa GCQ ang dakbayan.
Matud ni Calonzo nga kung itandi niadtong nakalabay nga ECQ mas lisod nga makabalik makasulod ang mga taga Gensan nga na-stranded sa ubang lugar .
Matud ni Calonzo nga karon ang higayon nga mas angay mag-amping ang gensan tungod sa posibleng magpauli sa mga tawo nga natanggong usab sa mga lugar nga dunay daghang kaso sa covid.
Gibutyag ni Dra. Calonzo nga kinsa man ang gustong mupauli sa Gensan dunay mga requirement nga kinahanglan nilang i-presentar.
Usa na niini ang medical certificate nga magpamatuod nga sila napailawom nanag daan sa 14 ka adlaw nga quarantine sa lugar hain sila naggikan.
Kinahanglan usab ang medical certificate nga magpamatuod nga sila anaa sa himsog nga panglawas.
Bisan sa mga non-stranded residents sa Gensan nga buot mupauli muagi gihapon sa hugot istrikto nga mga requirent.
Kinahanglan matud pa nga duna gihapon silay certificate isip pagpamatuod nga anaa sila sa maayong panglawas og fit to travel.
Kinahanglan usab silang mapailawom sa 14 days nga home quarantine isip mga PUM.(Jordan Britos)
