General Santos City—Naglaom si DepEd Gensan School Division Superintendent Romelito Flores nga malakip ang duha tulonghaan sa dakbayan sa GenSan sa 2nd batch sa pilot run sa limited face-to-face classes nga una na nga gitanggal sa listahan sa DepEd.
Sa pakighinabi sa iFM News GenSan kang Flores, andam gihapon ang duha ka tuhonghaan nga sa syudad alang sa pilot run sa limited face-to-face classes nga mao ang Aspang High School ug Elemetary School sa Barangay San Jose ning dakbayan.
Wala usab gikabutyag sa opisyal nga ngano natangtang ang nasampit nga tulonghaan sa listahan.
Nasayran nga sa katibok-an nga nasud 59 ka mga tulonghaan nga mupailalom sa pilot run sa limited face-to-face classes nga magsugod sa Nobyembre 15 hangtod sa Disyembre 22.
Samtang gikabutyag ni Education Secretary Leonor Briones nga possible nga madugangan og 20 ka tulonghaan alang sa paghigayon sa limited face to face classes.
Gitun-an na usab sa buhatan sa DepEd nga malakip sa ihap ang mga international schools sa nasud.
For more info’s and updates, like and share our official facebook account: www.facebook.com/ifm91.9Gensanofficial/____ #TatakRMN #IFMAngIdolKongFM #RMNnetworks #ReachingMillionsNationwide #RMNFoundation [image: rrrrrrrrrrrrrrrrrrrrrrrrrrrr.jpg]
