Labaw sa Gensan Police Office gipanigurong marelieve ang mga COP nga walay aksyon sa tari-tari

45

General Santos City–Gipaniguro ni Police Col. Aden Lagradante ang City Director sa General Santos City Police Office nga marelieve gayud isip Chief Of Police ang kinsa mang Chief of Police nga walay aksyon sa iyahang gipakanaog nga kamanduan kabahin na sa mga iligal nga tari-tari kon sabong sa ilahang mga area of responsibility.


Apan gipaklaro ni Col Lagradante nga mo-agi gihapon kini sa saktong proseso sama sa pag pahigayon ug imbistigasyon ug kung mugula nga nagpabaya gayud ang mga chief of police mao na kini ang panahon nga marelieve sila sa ilahang pwesto.

Dugang pa ni Lagradante nga isip city director sa GSCPO mosambalik kaniya ang dili pag-aksyon sa iyahang mga sakop kabahin niini hinungdan nga siya ang magmonitor gayod kabahin niini aron nga molihok gayod ang iyahang mga sakop.

Samtang miangkon man usab kini nga usahay dili nila mahatagan ug focus ang tari-tari tungod sa kadaghan sa gina-asikaso sa kapulisan nga mga kaso hilabi na ang pagpakgang sa iligal nga droga ug pagpamusil sa syudad.(Dave Silagan)

Facebook Comments