Sarangani Governor Solon, gikalipay ang taas nga ihap sa napatakan ug polio vaccine

16

General Santos City–Gikalipay ni Sarangani Governor Steve Solon ang taas nga turn-out sa mga bata nga napatakan na ug polio vaccine sa tibuok Sarangani Province sukad sa pagsugod niini niadtong nakalabayng semana.


Sumala pa ni Gov. Solon nga naglaum siya nga makab-ot sa Sarangani Province ang ilahang target nga ihap sa mga bata nga mapatakan ug polio vaccine.

Sa karon nagapanguna matud pa ang Sarangani Province sa mga lugar nga pinaka daghang nabakunahan nga mga bata.

Sa kasamtangan gikumperma ni Gov. Solon nga walay natala o gisuspetsahang kaso sa Polio sa Sarangani Province apan mas maayo gihapon nga dili mag kompyansa aron nga masigurong walay batang mataptan ug samang sakit sa ilang probinsya.
Sa kasamtangan padayon ang hugtanon nilang kampanya batok Polio diin padayon nilang gikumbinsi ang mga ginikanan nga pabakunahan ang ilang mga anak batok polio. (Dave Silagan)

Facebook Comments