*General Santos City— Gipaklaro ni Police Col. Aden Lagradante, City Director sa Gensan City Police Office nga pwedeng himuon ang one strike policy sa matag police station.*
*Sumala niya nga lakip sa Command Responsibility sa mga Chief Of Police ang pagtubag sa unsa mang dakong panghitabo sa ilahang area of responsibility sama sa patay ug uban pang krimen nga makonsiderang lapses sa kabahin sa station commander.*
*Apan giklaro niya nga isip city director, performance sa kapulisan ang iyahang ginabasehan ug higayon nga adunay monitoring and evaluation nga himuon ug makit-an nga wala naga-perform o dili maka-pasa, siguradong mabalhin kini o matanggal sa pwesto.*
*Dugang pamahayag ni Pol. Col. Lagradante nga subay sa iyahang obserbasyon sa tanang hepe sa walo ka mga presinto sa dakbayan, iyahang nakit-an nga ilahang ginahimo unsa mang ang ginalauman kanila.*
*Sumala niya nga wala naga-relax ang kapulisan sa pagbantay sa siguridad apan hugot ang iyahang direktiba ngadto sa mga chief of police nga dili gyud magkumpyansa hilabina na sa panahon karon nga adunay daghang kriminal.*
*Saysay niya nga ang trabaho lang usab sa mga pulis maoy ginabantay sa mga kriminal rason nga kinahanglang magbantay ug mag-igmat kanunay.*
