General Santos City—- Gi-angkon Ni Police Senior Superintendent Raul Supiter, City Director sa Gensan City Police Office nga hagit alang kanila sa kapulisan ang pag-locate sa mga ISIS Sympathizer gumikan dili matud pa sila mamahimong baliwalaon.
Sumala niya nga sa pag-ila sa ISIS sa lider sa Abu Sayyaf Group nga si Sajid Sawadjaan isip bag-ong Emir o lider sa ISIS sa nasud, bentahan kini kay adunay ilhanan ug identify nila ang kalaban.
Apan dili matud pa angayang magkumpyansa ang otoridad hilabina nga international ang ilahang koneksyon.
Dugang pamahayag ni PSSupt. Supiter nga tanang teroristang grupo nga naglihukan sama sa BIFF, AKP, Abu Sayyaf, Maute ug uban pa ang aduna gyu’y mga sumusunod.
Busa dili matud pa kakumpynsaan bisan ug namatay na ang mga lider gumikan aduna mga miyembro nga mubarog isip mga bag-ong lider.
Sama matud pa sa Ansar Al Khilafa, dihang namatay si Tokboy Maguid adunay laing nibarog nga lider ug pabiling mabati ang ilahang mga aktibidad ug presensya.
