General Santos City— Gina-Validate pa sa militar ang impormasyon nga sumala pa adunay mga miyembro sa teroristang grupo ang nakasulod na sa area sa Central Mindanao.
Sumala kang Major General Cirilito Sobejana, Commanding Officer sa 6th Infantry Division nga subay sa pamahayag ni Kumander Gani Saligan nga miyembro sa BIFF nga misurender, adunay lima ka mga international terrorist ang nakit-an nga ania sa central Mindanao.
Kung asa kini ang gilangkuban nilang Mauya, usa ka Singaporean Terorist nga kauban kaniadto ni Marwan, duha ka mga arab looking ug laing duha nga dili pa masayran kung indonesian o malaysan nga mga terorista.
Dugang pamahayag ni MGen. Sobejana nga sa karon ilaha pang ginasuta ang posibleng nahimutangan ni Mauya kung asa adunay dakong posibilidad nga kabalo usab kining maghimo ug bomba sama ni Marwan ug higayon matud pa nga makulmpirang anaa kini sa Central Mindanao, dako ang posibilidad nga aduna na kini mga natudluan.
Kini gumikan luyo matud pa sa mga operasyon nga ginahimo sa militar ug ubay-ubay na nga mga bomba ang mga narekober, nagpabilin matud pa ang ilahang mga pagpamomba sa pipila ka mga lugar sa Mindanao.
Pagpaklaro niya nga sila sa militar ang hugot ang ginahimo nga pagmonitor sa presensya sa maong mga indibidwal in iaron nga malikayan nga makahimo pa sila ug dautan.
