General Santos City— Giangkon ni Police Senior Superintendent Raul Supiter, City Director sa Gensan City Police Office nga gihangyo gyud ang pagtanggal sa ginapatumang curfew sa dakbayan.
Atol sa gipahigayong Peace And Order Council Meeting, nasabutan nga tanggalon na ang curfew gumikan apektado matud pa ang negosyo sa syudad.
Pamahayag niya nga alang kaniya mas maayong dunay curfew gumikan mas han-ay ug mas ma-improve niini ang sitwasyon sa siguridad.
Dugang pamahayag ni Col. Supiter nga milabay’ng semana pa gipatuman ang pagtanggal sa curfew sa Gensan apan nagapabilin ang No Id, No Entry.
Anaa pa usab ang police visibility panahon sa kagab-ihon ug nagapabilin gihapon ang hugot nga checkpoint.
Pag-angkon niya nga mi-ubos gyud ang kaso sa krimen dihang aduna pay curfew gumikan nalimitahan ang presensya sa mga batang sukarap kon children in conflict with the law.
