General Santos City–Gimanduan na ni P/Col Aden Lagradante ang City Director sa General Santos City Police Office ang tanang mga chief of police sa syudad nga sulbaron ang mga nahitabong pagpamusil sa ilahang area of responsibility sa mas dali nga panahon.
Sumala pa niini nga bisan paman ug bag-o lang kini milingkod isip labaw sa GSCPO dili matud pa kini excuse aron nga sulbaron ang una nang mga pag pamusil sa panahon sa iyahang gisundan nga city director.
Dugang pa ni Lagradante nga sa iyahang pag lingkod aduna lang usa ka insidente sa pagpamusil kung diin nahitabo sa area sa police station 5 kansa gipatutukan na usab niini.
Samtang ang usa usab ka insidente sa nakaplagang patay ang ginapaabot pa niini ang nahimong resulta sa gihimong eksaminasyon sa soco kung pusil ba o kutsilyo ang nakapatay sa biktima.
Gipaniguro man usab ni lagradante nga adunay ginahimo ang pulis sa syudad aron nga masulbad ang maong mga kaso ug aron nga dili na usab kini masundan pa.(Dave Silagan)
