General Santos City— Gipaniguro ni Police Senior Superintendent Romeo Ruel Berango, acting City Director sa GSCPO nga magpahigayon sila ug imbestigasyon sa alegasyong pagkawala sa usa ka 19 anyos nga lalaking si Philip Bacudo.
Sumala niya nga iyaha ng nakahinabi ang ginikanan sa nahisgutan ug iyaha ng gihatagan ug direktiba ang hepe sa police station 4 bahin niini. Gibutyag man usab ni Col. Berango nga higayon nga makita na ang nasangpit, buot niyang makuhaan kini ug allegation of complaint aron masayran kung unsa gyud ang nahitabo.
Wala man usab gikonsidera ni Col. Berango nga pagpangdaut kanila ang maong alegasyon apan mas maayo matud pa nga ma-solusyon ang maong problema pinaagi sa saktong imbestigasyon.
Pagpaklaro niya nga dili maayo ang paghimo ug akusasyon hilabi na kung dili sigurado ang mga nag-akusa kung asa giangkon niya nga aduna kini epekto ngadto kanila hilabina sa moral sa kapulisan.
Kung asa sila matud pa ang gilaumang mu-protekta sa katawhan apan sila ang gina-akusahan nga responsable sa pagdagit sa usa ka 19 anyos nga lalaki.
Kalabot niini, gibutyag ni Col. Berango nga mismong si Police Chief Inspector Joel Fomokao, labaw sa Investigation section ang iyahang gitahasan nga manguna sa imbestigasyon sa maong kaso.
