Pagadian City – PORMAL na nga gihulipan si Police Col. Redentor Retusto isip director sa Zamboanga del Sur Provincial Police Office kun (ZSPPO) sa gihimong turn-over ceremony kaganihang buntag. Si Retusto gihulipan ni Police Col. Rhode Espero.
Sa maong seremonya nitambong si PBGen. Ronaldo Llanera nga nagsilbing guest speaker ug gisaksihan ni 2nd District Board Member Juan Regala ug mga hepe sa kapulisan sa tibuok lungsod sa probinsiya.
Sugod karon, si Espero na ang milingkod isip bag-ong labaw sa kapulisan sa ZamboSur.
Sa gihimong pagpamulong, giawhag ni Espero ang katawhan nga suportahan ang kampanya sa kapulisan sa pagmentinar sa kahusay ug kalinaw.
Samtang iya usab nga gipasalig nga ipadayon ang nasugdan nga ni Retusto ang paghatag og proteksiyon sa katawhan sa lalawigan. (Photo: Newly-installed Provincial Director and the RMN News Team)
