General Santos City–Subling nanawagan karon sa katawhan si Police Major Peter Pinalgan Jr. ang hepe sa Police Station 3, hilabi na sa mga nanag-iya ug sakyanan nga mag-amping aron nga dili mabiktima sa grupo nga responsibli sa basag Kotse nga galihukan sa dakbayan.
Nasayran nga subli na usab nga miataki ang maong grupo kung asa ulahing nabiktima ang usa ka Hermegildo Garcia, 60 anyos nga nanimuyo sa North Folk Pine Subdivision, Barangay Sinawal, ning syudad.
Nasayran nga igo rang misimba ang nasampit sa may St. Peter And Paul Parish sa Barangay Lagao kung asa iyang sakyanan nga usa ka Montero giparking lang sa ngit-ngit nga bahin sa maong lugar apan pag balik niini wasak na ang salamin sa iyang sakyanan ug wagtang na ang iyang mga importanteng dukomento, pitaka nga dunay cash nga 2000 pesos ug cellphone nga nagkantidad ug P20,000.00.
Dugang pahimangno ni Major Pinalgan sa mga nanag-iya ug sakyanan nga dili ibutang ang iyang mga sakyanan sa mga ngitngit nga lugar iany ibutang kini sa mga lugar nga adunay CCTV camera.
Pinaagi niini magduha-duha ang mga kawatan sa ilang dautang laraw.
Samtang gikumperma usab ni Pinalgan nga punay man ang ilang pagpatrolya ug monitoring batok sa baasg kotse apan ang problema kay sila ra usab nag ginabantayan sa mga nahisgutan. (Dave Silagan)
