*General Santos City—– Gipaklaro ni Police Chief Superintendent Cedrick Train, ang regional director sa Police regional office 12 nga dili personal choice ang pagpili kang Police Senior Superintendent Romel Ruel Berango isip Officer-in-Charge nga City Director sa General Santos City Police Police.*
*Sumala niya nga adunay local placement board ang Regional Office nga maoy nagpili sa nahisgutang opisyal, kung asa tanang mga kwalipikadong opisyal nga mahimong OIC sa GSCPO ang gisuta pag-ayo, ug si Col. Berango matud pa maoy nakapasa.*
*Pamahayag niini nga adunay resolusyon ang regional office kabahin niini ug ang maong resolusyon maoy ipadala sa Kampo Crame uban ang pangalan ni Col. Berango kung asa nakatakda pa kining i-deliberate ug hisgutan.*
*Gitubag usab niining ang alegasyon nga wala gisubay sa saktong proseso ang pangtuboy kang Col. Berango sa pwesto, kung asa gibutyag ni General Train nga human mapadala sa kampo Crame ang pangalan ni Col. Berango, isip rekomendasyon sa regional Office 12, magpadala man usab ang Senior Placement Board sa higher headquarters ug listahan ngadto na kang GenSan City Mayor Ronnel Rivera sa mga pangalan sa mga opisyal nga posibleng ibutang nga City Director sa GSCPO.*
*Samtang sa mga isyung gikalambigitan ni Col. Berango sama sa paglambigit niini sa illegal nga sugal, iyaha ng gitugyan ngadto sa nasangpit nga opsiyal ang pagtubag niini.*
*Apan, iyahang gihagit ang mga tawong nagpakatag sa mga mensahe mahitungod kang Col. Berango nga maghimo ug formal complaint ug dili ipaagi sa mga text message.*
*Gihingusgan man usab niini nga dili dinalian ang pagbutang sa pwesto kang Col. Berango ug ang pagpahawa sa pwesto kang Police Senior Superintendent Maximo Layugan, gumikan, isip opisyal, human ang duha ka tuig, kinahanglan na niining hulipan gumikan kini maoy nakalatid sa balaud.*
*Giawhag man usab niya kini nga magtrabaho ug sakto ug ipabilin ang kahapsay ug kalinaw sa dakbayan sa GenSan nga iyahang giserbisyuhan kaniadto isip City Director.*
*samtang si Col.Layugan ang magpabilin una sa regional headquarters samtang nagapaabot ug mabakanteng pwesto.*
