General Santos City— Giangkon ni Police Chief Superintendent Marcelo Morales, Regional Director sa Police Regional Office 12 nga lisod gyud ang kampanya batok illegal nga droga.
Kini gumikan dili tanang sektor sa katilingban ang nagatabang aron mabatukan ang pagkuyanap sa illegal nga droga sa rehiyon.
Pamahatag niya nga kung isalig lang sa usa ka ahesnya sa gobyerno ang paghinlo sa droga, iyahang gibutyag nga madugayan gyud ayha hingpit nga madeklarang drug cleared ang rehiyon 12.
Dugang pamahayag ni Director Morales nga luyo pa man sa hugot nga kampanya batok droga sa rehiyon, aduna gihapoy makalusot nga nagapamaligya.
Apan iyahang gibutyag nga basi sa ginahimong pagmonitor sa tanang ahensya nga nagatutok sa droga, mi-ubos na ang suplay sa shabu ug kasagaran, mibalhin na sa pagpamaligya ug marijuana.
Kini gumikan, anaa lang sa kabukiran nga bahin sa rehiyon kini makit-an busa sunod-sunod usab nga pagpoangitbot s apunuan sa marijuana ang napahigayon na sa kapulisan uban ang PDEA.
