General Santos City–Gibaharan karon ni Police Major Alex Lanestosa ang labaw sa Police Station 4, ang mga suspect nga nagapanulis ug mga establishemnto sa ilahang area nga undangon na ang ilahang binuhatan o mohawa sa area nila tungod kay kung madakpan ang mga nahisgutan mabalhin gayud ang ilahang birthday sa sa Nobyembre 1.
Sa karon padayon matud pa ang ginahimong imbistigasyon sa Police Station 4 kabahin na sa ulahing nahitabong pagpanulis sa ilang area kung asa usa ka gasolinahan nga nahimutang sa NLSA Road, Barangay San Isidro.
Sumala pa niini nga nakakuha na sila ug kopya sa CCTV footage sa gasolinahan ug sa karon nagapangalap pa sila ug ubang ebidensya aron nga mailhan ang mga suspect ug makasuhan.
Gihatagan naman usab ug direktiba ni Major Lanestosa ang iyahang mga sakop nga tutukan ang susamang panghitabo ug gilayon nga sikopon ang mga suspect nga responsible sa moang krimen.
Kung kahinumduman nga gitulis sa 3 ka mga suspek nga sakay sa duha ka motorsiklo ang usaka gasolinahan kung asa mukabat sa P4,000.00 ang natangag apil na ang mga cellphones sa duha ka mga staff, samtang gigapos pa sa mga nasampit ang duha ka mga biktima.(Dave Silagan)
