*General Santos City— Gihingusgan ni Police Brig. Gen. Alfred Corpus, Regional Director sa Police Regional Office 12 nga dili trabaho sa kapulisan ang mupatay sa kinsa mang lambigit o gituuhang konektado sa illegal nga droga.*
*Pagpaklaro niya nga mandato nila nga dakpon ug dalaon sa korte ang kinsa mang mapamatud-ang lambigit sa droga ug dili apil sa ilanang trabaho ang paggamit sa organisasyon alang sa personal nilang interest o tungod sa adunay mga nagpaluyo sama sa paghimo sa gika-ingong extra judicial killing kon EJK.*
*Isip labaw matud pa sa PRO12, hugot ang iyahang kampanya batok sa mga pagpatay sa mga sibilyan o bisan na sa mga lambigit sa illegal nga aktibidad.*
Facebook Comments
