Labella dramatorgo sab niadto

102

Gihinumduman ni Cebu City Mayor Edagrdo Labella ang iyang pagdramatorgo kaniadto sa batan-on pa kini , talent nga nasunod usab niya sa iyang mga ginikanan.
Matud ni Labella mao ni ang hinungdan nga dool sa iyang kasing-kasing ang mga radio talent atol sa pagtambong niini sa ika-56 nga anibersaryo sa DyHP kagahapon, Septembre 14.
Si Labella nidayeg usab sa patas nga komentaryo ug mga balita sa estasyon samtang ang mga drama gihulagway niini nga nagsalamin sa tinood nga kinabuhi sa mga tawo gawas nga naghatag ug kalingawan sa mga tigpaminaw.
Gawas ni Labella, nitambong usab ang VP for Operations sa RMN Inc nga si Mr. Enrico Canoy aron motunol sa posthumous award sa duha ka empleyado niini nga bag-o pa lang nitaliwan alang sa ilang kontribusyon sa operasyon sa sibyaanan.
Ang duha mao sla si kanhi Bokal Julian Teban Daan sa Drama ug si Angelito Sevilleta sa Technical Department .

Facebook Comments

From Advertisers