Pagkarelieved ni RD Cruz dili tungod sa Forex

Tipik ug kabahin sa Career Development sa PNP ang reassignment ni P/BGen. Gilberto DC Cruz ug walay kalabutan niini ang kontrobersyal nga raid sa Forex Traiding og ang nahitabong robbery sa panimalay ni Mr. Romulo Elondo Pal sa Brgy . Ambago ning syudad sa Butuan diin gisulod kini sa 15 ka mga armadong lalaki nga nakasuot ug vest nga adunay tatak CIDG. Kini ang gibutyag ni PNP Spokesman P/BGen. Bernard Banac.

Gikataho usab nga gumikan sa pagretero sa pipila ka mga opisyal sa PNP hinungdan sa nahitabong revamp.

Gawas kang Gen. P/BGen. Joselito Teodor Esquivel, Jr. nga maoy bag-ong Regional Director sa PRO-13 Caraga gitudlo sab si Pol. Brig. Gen. Alfred Corpus isip bag-ong Regional Director sa Police Regional Office 12.


Pipila sab sa mga gitagaan ug bag-ong pwesto mao sila si P/BGen. Omega Jireh Fidel isip director sa PNP Engineering Service, P/BGen. Rey Lyndon Lawas isip bag-ong director sa Training Service ug P/Col. Ronnie Montejo isip acting District Director sa QCPD.

Luyo nga kagahapong adlawa ang epektibo ang Special Order ni Gen. Cruz sa pagbiya niini sa pwesto apan sa lunes pa , Setyembre 16 himoon ang formal nga turn-over of Command Ceremony sulod sa Camp Rafael Rodriguez ning dakbayan sa Butuan.
[image: cruz.png]

Facebook Comments