Labing una nga Raptor Watch Festival ipahigayon sa Glan, Sarangani Province

Sarangani Province–Andam na ang Provincial Government sa Sarangani og ang Munisipyo sa Glan sa ipahigayon nga labing una nga Raptor Watch Festival ugma ng adlawa, Byernes, Oktubre 5, didto mismo sa Raptor Hill sa Barangay Rio del Pilar lungsod sa Glan.

Segun ni Mr. Kidu Ramirez, ang executive director sa E.C.P.C. kon Environmental Conservation and Protection Center ilalum sa opisina ni Governor Steve Chiongbian Solon og maoy event organizer, ilang gilauman ang paghidangat sa libuan ka mga foreigner og lokal nga turista, kasagaran mga wildlife og bird enthusiasts, aron personal nga makita ang pagpanglupad sa mga migratory birds.

Gikan sa mga nasud sa Japan og Taiwan, nanglupad ang mga LANGYAW NGA BANOG padulong dinhi sa Pilipinas kada tuig matag bulan sa Marso, Abril, Septembre og Oktubre, panahon nga ā€œautumnā€ kon tinglagas og tigtugnaw sa Japan og Taiwan, gaagian didto sa Pagudpud, Ilocos Norte, galusot sa Visayas, og pag-abot sa Mindanao, mahidangat sa kalasangan sa Mount La-ti-an sa Sarangani Province.


Nigawas sa pagtuon nga gihimo nilang ā€œstopoverā€ og ā€œroosting siteā€ ang Sarangani partikularminte ang upat (4) ka barangay sa Glan nga mao ang Rio del Pilar, Laguimit, Cross og Batulaki. Diri sila nga mga area gatigum og kusog og kabaskog pinaagi sa pagkaon og pagpahuway una pa hingpit nga mulupad padulong sa mga isla sa Indonesia og sa ubang mga nasud sa Southeast Asia usa pa mubalik sa Taiwan og Japan.

Facebook Comments