Labor group sa DOLE: Wala sang polisa ang gobyerno nga nagapugong sa mga empliyado nga maghigugma sa ila katrabaho

Nagapanawagan ang grupo sang mga mamumugon sa Department of Labor and Employment nga magpaggwa sang guidelines sang paghigugmaanay sang mga empliyado sa isa lang ka opisina.

Ini agud matapna na ang mga mapintas nga management prerogatives sa mga nagahigugmaanay nga empliyado sa isa lang ka kumpaniya ukon opisina.

Suno kay Alan Tanjusay spokesperson sang Associated Labor Unions-Trade Union Congress of the Philippines wala sang polisa ang gobyerno nga nagapugong sa mga empliyado nga maghigugma sa ila superior ukon vice versa.


Bangud sini nagapagusto ang mga kumpaniya sa ila ipatuman nga desisyon kaangay sang pagpahalin, pagdemote ukon pagsaylo sang empliyado sa iban nga opisina.

Pahayag ni Tanjusay indi dapat mangin restrictive ang polisa sa mga relasyon sa sulod sang isa lang ka opisina.

Facebook Comments