Laborer gipatay sa gikabikil

Davao City – Patay ang usa ka laborer human dunggaba sa iyang kauban nga gikabikil sa inom nga nahitabo sa Sasa ning siyudad alas-8:00 adlaw’ng Domingo sa gabii.

Duha ka samad sa dughan ang mihuman sa kinabuhi ni Ronald Maceda, dunay kapuyo, laborer sa construction, ug nagpuyo sa Km. 10, Parola, Sasa ning dakbayan.

Alayon ani, gideklara nga dead on arrival ni Dra. Katrina Larazzabal sa Southern Philippines Medical Center ang biktima alas-8:30 sa gabii.


Nasuta sa imbestigasyon sa Homicide and Arson Section sa Presinto 4, nag-inom pa ang biktima ug amg suspek apan nagkabikil dihang pareho na silang hubog.

Mibunot matud pa og kutsilyo ang suspek dayon luba duha ka higayon ngadto sa biktima.

Paspas misibat sa hitaboan ang suspek dihang naglup-og na ug naligo na sa kaugalingong dugo ang biktima.

Gisuwayan pa og sapupo sa igsuon nga si Annafe Serondo ang biktima apan patay nang nahidangat sa ospital.

Samtang ang kapulisan naglusad na karon og manhunt operation aron lutuson ang suspetsado.

RadyoMaN Joel Viray

Facebook Comments