Weather Update! LPA, gibantayan sa PAG-ASA

714
PC: CDRRMD / PAG-ASA

5:45 AM 8APR2019

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang Low Pressure Area (LPA) SULOD sa Philippine Area of Responsibility (PAR) nga anaa sa gilay-ong 900 km Sidlakan (East) nga bahin sa Davao City ganihang 3:00 sa buntag. Ang LPA GAMAY ang tsansa nga mamahimong bagyo.


 

Ang tibouk Mindanao apektado sa Trough o extension sa LPA ug tungod niini maka-sinati sa madag-umon nga kalangitan inubanan sa katag katag nga pag ulan. Ang Easterlies dili direktang maka-apekto sa Mindanao.

 

Hinay (light) ngadto sa kasarangan (moderate) nga hangin gikan Sidlakan (East) ngadto sa Amihanang-sidlakan (Northeast) nga maoy mo-resulta sa 0.6 – 2.1 meters nga balud sa kadagatan sa Northern Mindanao.

 

Mapanganuron ang ubang parti sa Cagayan de Oro karong orasa.

 

Mapanganuron usab ang ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)

 

Walay pag ulan sa Talakag ug Baungon.
(Kining mga lugara ang makapasaka sa tubig sa suba sa Cagayan)

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

 

Facebook Comments

From Advertisers