Laborer, gipusil-patay tunga-tunga sa tagay!

24

Surallah, South Cotabato – Gideklarang dead on arrival sa doktor sa Surallah Community Hospital ang laborer human nahimong biktima sa pagpamusil-patay sa wala mailhing gunman niadtong Lunes sa hapon, alas-6:45 sa sayong kagabhion sa Purok Mangga, Barangay Dajay, Surallah probinsya sa South Cotabato.

Sa inisyal nga imbestigasyon sa Surallah Municipal Police Station, giila ang biktima sa pangalang Rogelio Tingson, 43 anyos, ulitawo, laborer og residente sa BINTIKU Compound, Prk. Manga, Brgy. Dajay, Surallah.

Dugang imbestigasyon sa Surallah PNP, kauban sa biktima silang Sanel Dionesio Castanares, Mario Amador Dajay, Robert de Leon Millares, Junriel Amador Dajay ug Reden Amador Dajay, nga nag-inum sa payag gipanag-iyahan sa usa ka Elna Lunasco Dajay.

Tunga-tunga sa tagay, nakadungog ang mga nahisgutan og buto sa armas, dihang nasayran nga na-igo ang biktima sa iyahang dughan, nanagan ang mga kauban og nabyaan ang biktima.

Human silang nakadagan, nadunggan nila ang duha ka sagunsong buto sa armas.

Naka-responde ang kapolisan sa area og gilayong gidala sa ospital ang biktima ngadto sa ospital apan gideklarang dead on arrival ni Dr. Joel Christian Canieso.

Sa pagsuta sa kapolisan, nakaangkon og gunshot wounds sa likod, dughan ug agtang ang biktima hinungdan sa iyang kamatayon.




Misibat dayon ang mga suspek paingon sa wala matinong direksyon dala ang gigamit nga armas sa pagpusil-patay sa biktima.

Narekober sa kapolisan didto sa crime scene ang duha ka fired empty cartridge sa .45 caliber pistol.

Sumala sa mga testigo, bag-o pa ang insidente ang biktima adunay nadawat nga hulga sa kinabuhi gikan matod pa sa iyahang kauban sa trabaho.

Personal nga away matod pa ang na-establisar nga motibo sa kapolisan sa pagpamusil-patay sa biktima.

For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: shot.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments