General Santos City—Patay nang nakaplagan ang usa ka laborer nga nailang si Don Afando, 30 anyos, Lumad nga taga Bo. 8, Koronadal City ug temporaryong nagpuyo sa Purok Malinawon, Barangay Conel Gensan human kining nakuryentihan.
Subay sa blotter report sa Police Station 4 nasuta nga usa ka Ariel Ramos, 24 anyos maoy nakakita sa patayng lawas sa biktima nga nagbuy-od na sa lugar alas 11:00 ang takna sa buntag.
Gikaingong nakuryentihan ang biktima sa live wire nga anaa sa lugar.
Sumala sa uyuan sa biktima nga si Carlito Rosal, kanunayng hubog ang iyang pag-umangkon ug posibleng pag-uli niini iyang natarog ang livewire hinungdan nga kini nakuryentihan ug nakabsan sa iyang kinabuhi.
Sa karon ang patayng lawas sa biktima anaa na sa lokal nga punerarya dinhi sa syudad.
