Malampusong napasakamot sa mga personahe sa kapulisan sa lungsod sa Manolo Fortich, Bukidnon ug sa Governor Generoso, Davao Oriental ang usa ka lalaking wanted sa paggamit og peke nga kwarta atol sa operasyong gipahigayon pasado alas 9 sa buntag adtong nakalabayng adlaw didto sa Purok-Buso-Buso, Barangay Lavigan, Governor Generoso, Davao Oriental.
Ang suspek naila sa pangalan nga Gregory Lozano Saraka, 43 anyos, laborer, Top 5 Most Wanted Person sa Manolo Fortich, Bukidnon ug residente sa naasoy nga lugar.
Nasikop ang suspek pinaagi sa gahom sa warrant of arrest sa duha ka ihap sa kasong paglapas sa Illegal Posession and Use of False Treasury o Bank Notes pinitsahan Hulyo 19, 2023 ug adunay girekomendang piyansa nga mukabat P18,000.00 alang sa temporaryong kagawasan.
Samtang pagsusi pas mga otoridad, laing kaso pa sa paglapas sa illegal possession of Dangerous Drugs ang nadiskobre sa kapulisan batok sa suspek.
Gikustodiya na karon sa kwerpo sa kapulisan ang suspetsado alang sa tokmang disposasyon.
Facebook Comments
