Dead on arrival sa ospital ang laborer nga ginkilala kay Rogelio Aurelio Tingson, 43 years old, single, laborer kag residente sang BINTIKU compound, Prk. Manga, Brgy. Dajay, Surallah, South Cotabato alas 6:45 kagab-i Oktubre 12, 2020.
Suno pa ang biktima upod sanday Sanel Dionesio Castanares, Mario Amador Dajay, Robert de Leon Millares, Junriel Amador Dajay kag Reden Amador Dajay ang nagainom-inom sang nakabati na lamang sila sang lupok nga gilayon naman nga nagpalagyo ang mga ini.
Apang naigo sa dughan ang biktima kag sa pagbiya sa lugar sang mga kaupod sini duha pa ka magkasunod nga lupok ang nabatian.
Gilayon naman nga gindala sa Surallah Community Hospital ang biktima, apang gindeklarar nga dead on arrival sang attending physician tungod sa naangkon nga igo sang bala sa likod, dughan kag agtang.
Nakapalagyo naman ang suspek sa wala nahibaluan nga direksyon dala ang armas luthang nga gingamit sa krimen.
Nakuha naman sa crime scene ang duha ka fired/empty cal .45 cartridges.
Suno sa mga testigo bag-o pa man ang insidente ang biktima ang may-yara na suno pa sang pagpamahog halin sa dati sini nga kaupod sa trabaho.
Personal grudge naman ang ginalantaw nga motibo sa nasambit nga insidente.
