Ta principia ya tamen hace victima el maga ladron muntao na motor conel maga mujer quien ta munta na tricycle.
El nuevo incident ya sosede del na calsada de Tumaga del Miercoles denoche.
Con el victima ya conose como si Eveline Cabayacruz Delos Reyes, 50, viuda, de Tumaga.
Asegun na report del pulis, ta munta na tricycle si Deloes Reyes junto consu anac mujer encamino para bolbida cuando ya llega serca na LB Supermarket tinene ya lang dos persona muntao na motor ya hace lagas canila y el ancas ya rebata el bag disuyu.
El maga ladron ya entabla para na Cabato Road, Tetuan llevando el bag del victima.
Asegun con el victima su bag ta contene cen P7, 200, dos cell phone y maga ID.
El victima dayun ya reporta conel incidente na estacion del Sta. Maria Police Station.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
