Ladyboy nga suspek sa pagbuno-patay sa sangka foreigner sa Boracay, arestado

161

*Boracay, Island – Natigayon nga maaresto it mga taga Boracay Tourist Assistance Center (BTAC) rong ladyboy nga responsableng nagbuno-patay sa sangka foreigner kaina it aga-aga sa Sitio Ambulong, Manocmanoc, Boracay.*
*Ro biktima hay indi pa makaron masayuran kung Chinese ukon Korean national, mga 25-30 anyos bangud nga uwa it narecover nga mga ID ag uwa pa it naga usoy sa biktima.*
*Samtang rong suspek nakilaea kay Carlito Alegado y Garcia alyas “Kyle”, 21-anyos, taga Mabolo, Cebu City ag temporary nga naga istar sa Sitio Ambolong.*
*Suno kay PO3 Christian John Nalangan it BTAC ag imbestigador sa nasambit nga kaso nga nakabaton sanda it tawag nga may natabong pagpamuno sa lugar ag insigida nga ginrespondehan ag pag-abot nakita nanda nga nagahamyangon ro biktima.*
*May na trace sanda nga dugo halin sa boarding house it suspek ag insigida nga ginkasa rong hot pursuit operation kuntra kana kung sa siin nadakpan raya sa area it Manocmanoc.*
*Sa imbestigasyon nasayuran nga kahapon it hapon nagkakilala rong suspek ag biktima sa resort nga ginadayonan it biktima. Ginpangayo it suspek rong WeChat account ko biktima ag nag istorya sanda.*
*Kaina it aga-aga ginchat it suspek ro biktima ag nagka transaksyon sa sex sa hayga nga 3,000 kung sa siin nagkasugot sanda.*
*Ginsueang it suspek ro biktima ag gindaea sa anang boarding house. Pag-abot idto may idto pang sangka ladyboy nga si certain alyas “Maya”nga nagakatueog ag natipuhan man raya it biktima.*
*Ko una nag threesome pa sanda pero ko ulihi nadiskubre it biktima nga mga ladyboy ro anang maka sex. May nagpatunga nga mainitang diskusyon sa biktima ag suspek kung sa siin tinikeod it biktima ro suspek ag pumanaw.*
*Nagpangdueom ro pamntawan it suspek rason nga bumuoe imaw it siyaw ag linagas ro biktima samtang nagapaguwa sa eskenita ag binuno.*
*Nakaangkon it tatlong tama it buno sa likod ag nina sa magtimbang nga butkon ro biktima.*
*Nahadaea pa raya sa Metropolitan Doctor’s Medical Clinic (MDMC) pero gindeklara nga dead on arrival.*
*Aminado man rong suspek nga imaw ro nagbuno sa biktima.*
*Sa makaron hay detained sa lock up cell it BTAC ro suspek samtang nagapadayon pa rong imbestigasyon it mga kapulisan.*

Facebook Comments

From Advertisers