Pagadian City – Gilibkas na sa Provincial – Inter Agency Task Force ang pagamit sa negative RT-PCR result sa mga mosulod sa Zamboanga del Sur human gipaubos ang probinsya sa luag nga stadao sa General Community Quarantine sugod Nobyembre 1- hangtud 30, tuig 2021.
Ang pagwagtang sa paghatag og negative RT-PCR swab test result isip usa sa mga rekisitos sa mga indibidwal nga buot motaak sa probinsya, gisay-say sa Executive Order No. 2021-35 nga gipagula ni Governor Victor Yu.
Apan gipasabot sa mando ehekutibo nga ang fully vaccinated lang maoy dili na mupakita og negative RT-PCR result apan ang wala mabakunahan kinahanglan mosumeti og negative antigen result nga nakuha sa wala pa ang 72 ka oras.
Gilatid usab sa maong EO nga ang mga establisemento mamahimong makapasulod og 50 porsiyento sa kapasidad alang sa mga nag-edad sa 18 anyos ngadto sa 65-anyos bisan paman nga dili bakunado.
Alang sa mga relihiyosong tigom gisaka ngadto sa 50 porsyento ang gitugot nga kapasidad niini ug abli kini sa tanan nga bakunado man o dili.
