Davao City – Sikop sa buy-bust operation sa Bunawan PNP ang usa ka driver nailing usa ka Jefferson Lao alias Brad nga nagpuyo sa Hacienda Heights, Sasa, Davao City.
Base report sa Davao City Police Office (DCPO), malampusong napalitan og usa ka pakete nga shabu kambyo ang P49,000 buy bust mark money ang suspek atol sa gikasang buy-bust operation sa Purok 1-A, Bunawan ning syudad diin kauban sa operation ang Technical Support Company TSC, Regional Mobile Force Battalion (RMFB-11) ug Regional Special Operation Group (RSOG-11).
Narekober ang laing duha ka big square heat-sealed transparent plastic sachet nga shabu nga motimbang og 130 ka gramo nga mokantidad og P2, 080, 000. 00 lakip nakumpiska ang usa ka cellphone ug illegal drugs paraphernalia.
Ang dinakpan balhug na sa Bunawan PNP ug gikasuhan na sa paglapas RA 9165 kun Comprehensive Dangerous Drugs Act of 2002.
RadyoMaN Don Pulayao
