Lain-laing anggulo padajon na tag-imbestigahan nan PNP sa tagpusil-patay sa Brgy. Luna,Surigao City
Tag-angkon nan Chief of Police nan Surigao City na si Supt. Jay Baybayan na lain-laing anggulo an ila tag-imbestigahan may kalabutan sa pagpusil-patay sa 64 anyos na si Nineta Yurtas Zaragosa, residente nan Payawan 1, Brgy. Luna, Surigao City.
Sumaya pa niini, tagkuhaan pa nila nan statement an mga nabiling pamilya lakip an posible na nakasaksi sa panghitabo sa pagpusil-patay sa biktima kahapon sa hapon. Isa sa mitumaw na anggulo sa krimen an may kalabutan sa away sa lupa lakip an isa ka nag-ung-ong na kaso.
Malaumon si Supt. Baybayan na sunod na mga adlaw an may kalambuan na sa kaso lakip an posibilidad sa pagtudlo ug pagdakop sa suspetsado.
