Sarangani Province–Laing batch gilangkuban sa baynte-dos (22) ka mga kanhing rebelde sa Sarangani Province ang makadawat og ayudang pinansyal gikan sa lokal og nasyonal nga panggamhanan.
Kini ang gikumpirma ni Lizet Lopez, ang focal person sa E-CLIP kon Enhanced Local Integration Program ilalum sa Sulong Kapayapaan sa Sarangani Province.
Niaging adlaw nga Lunes og Martes, nagpahigayon og Healing and Reconciliation Session with Basic Business Management Training ang Provincial Social Welfare and Development Office sa Sarangani kauban ang 73rd IB Philippine Army sa pagpanguna ni Lt. Col. Marion Angcao sulod sa usa ka hotel sa Gensan, kung diin gitagaan ang 22 ka mga former rebel og psychological og psychosocial intervention aron inanay malimtan nila ang ilang mga nasinatian sa kalihukan, og labaw sa tanan magiyahan sila sa ilang bag-o nga kinabuhi og matudluan sa saktong paggasto sa salapi nga madawat gikan sa gobyerno.
May proseso nga ginaagian kung mahimong kwalipikado nga makadawat og ayudang pinansyal sa nasyonal nga gobyerno, kadtong dili makapasa sa ebalwasyon ang gina-ayudahan sa probinsya og munisipyo.
Una ng natagaan og P65,000 ka pesos ang nauna nga dose (12) ka mga rebel returnee niaging semana nga gitunol ni Department of National Defense Undersecretary Reynaldo Mapagu. Gibutyag ni Undersecretary Mapagu nga sa tibuok Mindanao, 74% sa mga myembro sa walhong grupo ang gikan sa mga kaigsoonang lumad.
