Unom ka mga miyembro sa Communist Party of the Philippines – New Peoples Army kon CPP-NPA ang nitahan ngadto sa tropa sa kasundaluhan ilawom sa 403rd Infantry Brigade sa probinsya sa Bukidnon ning semanaha lamang.
Matud ni Cpt. Norman Tagros ang civil military operations officer sa 40rd Brigade, gibutyag ninii nga kaniadtong Agosot 22, Miyerkules nitahan ang lima ka mga miyembro Guerilla Front 68 sa CPP- NPA’s North Central Mindanao Regional Committee ngadto sa 1st Special Forces Battalion sa lungsod sa Pangantucan, Bukidnon.
Gi-ila lamang ni Tagros ang mga nitahan nga sila si @Gorio, @Bryan, @Roskie, @Benjie, and @Ryan.
Samtang niadtong Agosot 23, Huwebes, usa ka alyas Lito, nga nagsibling Vice Commanding Officer sa CPP-NPA’s Militia ng Bayan ilawom Section Committee 89, North Central Mindanao Regional Committee ang ni-surender usab ngadto sa 8th Infantry Battalion sa lungsod Impasugong, Bukidnon dala ang calibre 45 nga pistol.
Sa gihimong custodial debriefing, gibulgar sa mga surenderees nga ang kakapoy nga ila nasinati ug pagka-dismaya sa kadagkuan sa mga NPA tungod kay wala nahatag niini ang pasalig nga suportahan ang ilang mga pamilya ang nagtukmod kanila nga mubalik sa sabakan sa gobyerno.
