Bukidnon – Laing pagpang-ambush ug pagpabuto sa landmine ang nahitabo kaganehang alas 11:35 sa buntag sa National Road sa Sitio Vener, Barangay Tikalaan lungsod sa Talakag, Bukidnon.
Nasayran nga sakay sa Toyota Dmax, ang mga kapulisan sakop sa Talakag MPS nga gipangunahan ni PSI JESSIE JAMES M LASDOCE, Chief of Police uban sila si SPO2 Roberto Sanoy, PO1 Enrique Baino, ug SCAA Ricky Ped-ac samtang ang usa ka sakyanan nga Nissan Frontier, nga gimaneho ni PO1 Ian Eric Ordidor, uban sila si SPO1 Reynante Cam, PO2 Fermin Delfin, nga na-assign sa Intel Operatives PPSC, Bukidnon ug SPO1 Benjamin Bansing, PO3 Zeus J Achas, PO1 Gideon Galano, PO1 Mark Anthony Aca nga kasamtang na-destino sa Talakag-PNP ug usa ka motorcycle nga gimaneho ni PO1 Glen Rex Ravina nga na-assign usab sa Talakag MPS.
Gikan kini sa Km 28 sa mao nga barangay ang dapit kung asa gi-ambush ang mga pulis kagahapon sa hapon ug paingon na unta kini Poblacion Talakag, gi-ambush ug gipabuthan ug landmine ang mao mga pulis sa wala pa matinong ihap sa armadong grupo.
Gisundan kini sa binayloay sa buto sa armas nga nilungtad ug 15 minutos.
Hinoon walay nasamdan o kaha namatay sa panig sa kapulisan samtang gisuta pa ang pikas grupo.
Nasayran nga kagahapon sa hapon lang gi-ambush sa mga NPA ang patrol car sa pulis ug ang ilang sakyanan nga nag-resulta sa usa ka pulis sa Bombaran, Lanao del Sur – PNP ug usa ka upat ka bulan nga bata.
Gawas sa maong patay adunay laing unom pa ang samdan.
