General Santos City—nadala sa Dr. Jorge Royeca Hospital ang laing biktima sa pagpa-arak sa wala pa mailhing suspetsado sa Mang Epoy Lechon House sa may Polomolok, South Cotabato nga gikamatay sa upat ka mga biktima apil na niini ang Deputy Station Commander sa Polomolok PNP nga si Police Sr. Inspector Hernan Gabat.
Si Resalde Bellocora nga taga Barangay Magsaysay, Polomolok kansa nakaangkon ug samad sa iyang kamot ang gidala sa Dr. Jorge Royeca Hospital alas 9:35 ang takna kagabie aron nga ipahiling ang samad niini sa iyang kamot.
Sakay sa ambulansya sa Pagalungan Hospital sa Polomolok ang nasangpit ug gidala sa Dr. Jorge Royeca Hospital.
Buot unta sa biktima nga ipatanggal ang nahibilinpang bala sa iyang bukton nga naigo sa pusil sa mga suspek apan advice sa doctor nga mihiling kaniya nga mas maayong dili kini operahan tungod posibling mas mudako ang bangag sa iyang samad. Mas maayo matud pang iagi nalang sa pag inum sa tablitas gumikan mugawas lang ang bala nga anaa sa iyang samad.
Human gihiling miuli nalang ang biktima sa ilang panimalay human midesisyon nga tua nalang magpaalim sa iyang samad nga naangkon human sa insidenti.
