Laing driver sa motorsiklo-patay sa disgrasya sa Koronadal

15

Koronadal City–Dead on arrival sa ospital ang driver sa motorsiklo sa natigayong disgrasya sa Prk. Kauswagan, Brgy. Saravia, Koronada city, pasado alas 10:50 kahapon, Pebrero 22, 2021.
Giila ang biktima nga si Jinver Hibionada, 26 –anyos, single ug residente sa Brgy. Matapol, Norala, South Cotabato.
Sakyanan nga nahilambigit sa disgrasya mao ang Toyota Hilux Pick-up nga gimaneho ni Jonas Baranggan Manilhig, 58 –anyos, residente sa Brgy. Saravia, Koronadal City ug usa ka unit Suzuki Raider 150 motorcycle nga ginamaneho sa biktima.
Sa imbestigasyon sa kapulisan, ang Toyota Hilux ang gikan sa lungsod sa Tupi pag-abot atubang sa Gemma Construction sa Brgy. Saravia, nihinay-hinay kini aron nga moliko unta sa tuo nga bahin apan na-sideswiped niini ang tuo nga parte sa motorsiklo nga nagasubay sa susamang direksyon.
Tungod niini, nakaangkon ug grabe nga samad ang driver sa motorsiklo kansa gilayon nga gidala sa South Cotabato Provincial Hospital , apan gindeklara nga patay sa attending physician .
Ang duha ka mga sakyanan ang nakaangkon ug damyos nga pulos gidala sa Koronadal PNP lakip na ang driver sa Toyota Hilux.
credit Kagawad Jose Raymond Marin

Facebook Comments