Mga empleyado sa mall gitabangan ug kulata, usa patay!

20

Koronadal City–Patay ang usa ka empleyado sa usa ka mall sa syudad sa Koronadal, human nga gitabangan ug kulata ug gibunalan sa wala pa mailhing suspetsado sa area sa Odi Balmores St., Brgy. GPS, Koronadal City partikular nga duol sa Site Driving School alas 12:30 sa kabuntagon.
Giila ang biktima nga si Lister Satur Aventura, 22 years old, single, empleyado sa KCC Mall of Marbel ug residente sa Bo. 5, Banga, South Cotabato, samtang nakaangkon ug seryoso nga samad sa iyang lawas ang usa pa niini ka kaubanan nga si Ace Pineda Guerrero, 22 years old, single, empleyado gihapon sa maong mall ug residente sa Prk. Libra, Poblacion, Norala, South Cotabato. Sa imbestigasyon sa Koronadal City Police Station, ang mga biktima ug uban pa niyang mga kaubanan ang mitambong sa birthday sa ilang Barkada.
Pauli na ang mga nasnagpit ug nidesisyon nga moadto sa usa ka convenient store duol sa lugar apan kalit lang matud pa silang gibabagan sa gibana-banaang anaa sa walo ka mga indibidwal.
Kalit lang matud pa nga gi-atake sa mga nasangpit ang mga biktima gamit ang bato ug tubo.
Si Lester Aventura ang napuruhan diin nakaangkon kini ug seryoso nga samad kansa daling gidaka sa South Cotabato Provincial Hospital apan human sa pipila ka oras, nakabsan kini sa iyang kinabuhi samtang anaa sa ospital. Sa karon, padayon pa ang gihimong imbestigasyon sa Koronadal PNP sa maong insidente alang sa posibleng pag-ila sa mga suspek aron nga mapasakaan ug kaso.
Nanawagan usab ang kapulisan sa mga nakakita sa krimen ug sa mga nakaila sa mga suspek nga isumbong sa ilang buhatan aron nga maimbistigahan. Nasayran nga hustisya ang singgit sa pamilya human sa gidangatan ni Lister. photo by:Nancy Alvarez

Facebook Comments