Pagadian City – Personal nga bangi ang nakita nga motibo sa kapulisan sa ulahing insidente sa pagpamusil nga nahitabo sa Purok Sunflower, Poblacion, Margosatubig, Zamboanga del Sur.
Sa inisyal nga imbestigasyon samtang nagpungko sa gawas nga bahin sa ilang pinuy-anan ang mga biktima nga sila si Kadil Datucal Maito, 49 anyos ug Misel birin Jagoni, babaye 24anyos kalit nga nibutho ang wala maila nga suspek og gipusil ang mga biktima sa makadaghan nga higayon gamit ang wala matino nga calibre sa armas.
Nakahiagom og samad pinusilan si Maito sa iyang dughan samtang igo usab sa iyang tiyan ang kauban nga babaye nga karun kasamtangan nga gi-obserbahan sa mga doctor sa Margosatubig Regional Hospital.
Sa follow nga imbestigasyon nasayran nga ang biktima nga si Kadil Maito nalambigit usab sa kasong pagpamusil niadtong hulyo 2015.
