Polomolok, South Cotabato— Laing duha ang naitalang biktima sa pagpamusil sa may Polomolok, South Cotabato kung asa ang mga nahisgutan ang giilang sila si Jomar Yang, 24 anyos ug Jamir Himbang, 22 anyos.
Sumala kang Police Senior Inspector Romeo Albano, Chief Investigator sa Polomolok Municpal Police Station nga mga ahente sa ukay-ukay ang mga biktima.
Basi sa ilahang imbestigasyon, anaa sa dalan ang mga biktima dihang kalit lang matud pa silang gipabuthan sa wala mailhang mga suspek. Dugang pamahayag ni PSI Albano nga sa kasamtangan, stable na ang kahimtang sa mga biktima gumikan wala man sila mapuruhan.
Wala matud pay record sa ilahang buhatan ang mga biktima gumikan talagsa ra man kini sa ilahang lugar. Sa karon, padayon pa ang ilahang imbestigasyon kung si kinsa ang responsable sa maong pagpamusil.
