General Santos City–Laing duha ka mga NPA kun new people’s army nga myembro sa guerilla front 71 ang mitahan sa kamot sa kasundalohan niadtong pebrero 17 sa gabie sa community support program sa alpha company sa 73rd ib sa sitio akbual baranagy upper suyan malapatan sarangani province.
Gi ila ni 1st lieutenant Daryl Cansancio ang commanding officer sa Alpha Company ang mga misurrender nga silang alyas Joshua nanimuyo sa pag-asa Alabel Sarangani Province usa ka squad leader sa guerilla front 71 nga duha na usab ka tuig sa kalihokan, samtang ang usa ang gi ila nga usa ka alyas Margas nga nanimuyo usab sa Barangay Upper Suyan, Malapatan Sarangani Province.
Dala sa mga nasangpit sa ilahang pag surrender sa mao ang m16 riffle ni alyas Joshua samtang AK 47 usab ang dala nga armas ni alyas Margas. Misurrender matud pa ang mga nasangpit tungod sa kahadluk ug kalisud nga nasinatian sa kabukiran human ang mas gipahugot nga operasyon sa gobyerno batok sa mga NPA.
Dugang pa ni lt. Cansancio nga gawas sa kahadluk nga gibati sa mga nasangpit namatikdan matud pa nila nga daw sa lahi na ang ginabuhat sa kalihokan ngadto sa mga kaubang lumad sa kabukiran ug sukwahi na kini sa edilohoya nga gi ingon kanila aron usab nga ma-inganyu kini nga mu sali sa kalihukan.
sa kasamtngan anaa sa kustudiya sa alpha company sa 73rd ib ang mga nasangpit ug ginahikay na ang mga papeles aron usab nga maka lakip sila sa programa sa goberno ilalum sa enhance comprehensive local integration program.
