Dumingag, Zamboanga del Sur – Laing engkwentro na usab batok sa mga New People’s Army ang natigayon sa area of responsibility sa 53rd Infantry Batallion Philippine Army.
Sa nahipos nga report sa RMN Pagadian, milungtad sa kapin usa ka oras ang ang sinukliay og bala tali sa habig sa armadong kusog sa nasod ug Communist National Terrorist sa Brgy . Saad, Dumingag, Zamboanga del Sur.
Hinuon, wala gikataho nga nasamdan sa bahin sa kasundaluhan, apan gisuta pa kun duna bay nasamdan sa mga rebelde dihang miatras sa nasangpit nga luagr og misagul sa mga masa nga nagsuporta kanila paingon sa Barangay Bagong Bagumbayan, Brgy. Tinago nga pulos sakop sa probinsya sa Zamboanga del Norte ug Barangay Dilud, Dumingag, Zamboanga del Sur.
Gikabutyag nga nagpahigayon ug pursuit ug combat operation alang sa paggukod sa naasoy nga grupo sa mga rebelde, samtang padayon usab ang clearing recovery operation sa lugar kung asa natigayon ang engkwentro.
