General Santos City–laing mga personahe na usab nga lambigit sa Police Paluwagan Movement (PPM) ang gikatakdang pasakaan ug kaso sa National Bureau Of Investigation kon NBI-SARDO kini ang gikumperma ni Jefrrey Mosqueda, Special Investigator 3, sa NBI SARDO.
Kasong syndicated stafa ang ipasang-at sa pipila ka mga personahe apil na dinhi ang founder sa PPM nga si Sheila Agustin ug mga miyembro sa PNP nga gitudlo sa mga reklamante nga may kalabutan sa maong scam.
Sumala ni Mosqueda nga lauman nga daghan pa ug posibleng makasuhan human nga usa-usa nang ginganlan sa mga reklamante ang mga tawong nagpaluyo sa PPM Scam.
Samtang gikumperma usab ni Mosqueda nga ubay-ubayng PNP Non Commissioned Officer ang apil nilang kasuhan.
Sa kasamtangan sumala pa ila nalang ginahuwat ang uban pang mga dukumento ug datus aron nga hingpit na nilang mapasang-at ang kaso.
Padayon usab nga giawhag sa NBI ang uban pang biktima sa PPM nga wala pa midangop sa ilang buhatan aron nga mapasakaan usab ug kaso ang ilang ireklamo.
