Laing aircon bus nga gipanag-iyahan sa Rural Transit Mindanao, Inc., ang naghabong sa kanal sa National Highway, P-15, Bagontaas, Valencia City ala 1 kapin sa hapon kagahapon.
Sa interview sa RMN Malaybalay ngadto kang PO3 San Rio Dy, ang traffic investigator sa Valencia City Police Station, gibutyag niini nga nagdagan ang bus gikan sa ruta sa siyudad sa Valencia paingon sa Cagayan de Oro City.
Sa imbestigasyon nasuta nga adunay usa ka motor ang kalit lang ug liko paingon sa linya sa bus, maong gi-applyan ug break ug gilikayan sa driver ug didto na hinoon paingon sa kilid sa shoulder hangtod nga wala na gyod napugngi ug nahulog sa kanal.
Matud ni Dy nga usa ka pasahero ang gidala sa hospital tungod sa injury nga na-angkon niini nga mao si Melody Mira Fuentes, 25 anyons nga taga Batangan, dakbayan sa Valencia.
Nasayran nga gibana-banang anaa sa 40 ka pasahero ang sulod sa mao nga bus.
Gimaeho ang bus sa driver nga si Mario Manjica, nga taga-Claveria Mis Or.
Mahimumduman nga unang nalambigit sa aksidente ang usa sa RTMI aircon bus diin tulo ka tawo ang patay samtang laing 28 ang samaron sa Brgy Patpat, Malaybalay City,Bukidnon niadtong adlaw’ng Huwebes sa hapon.
