General Santos City— Dakpan sa laing operasyon batok illegal nga druga sa Philippine Drug Enforcement Agency 12 sa pagpanguna ni Director Gil Castro ang suspek nga anaa sa ilahang watchlist.
Sumala kang Director Castro nga alas 2 pasado ang takna kahagapon, Setyembre 13 dihang gipahigayon ang usa ka buybust operation sa Purok Bayanihan, Brgy. Benitez, Banga, South Cotabato.
Arestado ang usa ka Joland Obrenze y Fernando alias June (Watchlisted), 36 anyos ug residente sa Purok Elnegros, Brgy. Benitez, Banga, South Cotabato.
Nakuha gikan sa posisyon sa suspek ang 0.3 nga gramo sa gituuhang shabu kantidad 1, 500 ka pesos, marked money ug usa ka cellphone nga gigamit sa illegal nga transaksyon.
Kasong paglapas sa Section 5 kon pagpamaligya sa Republic Act 9165 kon The Comprehensive Dangerous Drugs Act of 2002 ang atubangon sa suspek nga kasamtangang anaa sa detention facility sa PDEA 12.
