Nasakmit ni Sarah Dequinan nga taga sa Valencia City, Bukidnon ang gold medal sa dulang heptathlon sa nagpadayon nga Southeast Asian Games 2019 human nakakuha ug 5,101 points sa pito ka mga track events sa New Clark City Stadium.
Tungod sa kadaugan gikonsidera siyang “toughest woman athlete” sa mao nga dula.
Nakuha ni Dequinan ang maong puntos human nahuman niya ang nagkadaiyang events nga naglangkob sa: 100 meter hurdles, high jump, shot put, 200 meters, long jump, javelin throw ug 800 meters.
Ang 23 anyos nga produkto sa University of Santo Tomas nahimong pinaka-unang Filipina nga nidaug sa mao nga dula sukad kaniadtong pagdaug ni Elma Muros.
Mahinumduman nga nahimong marathon queen usab si Christine Hallasgo nga taga Malaybalay City human nakuha ang gold medal.
Samtang sa pikas bahin, update sa Northern Mindanao Regional Athletic Association NMRAA Meet nga gihimo sa Lanao del Norte nga gisugdan kagahapong adlawa (December 8, 2019), nakuha ni Shieky Supremo nga gikan sa Malaybalay City Division ang gold sa 3K meter run samtang si Riky Organiza nga manghud ni Christine Hallasgo ang nakakuha sa silver alang sa 5k meter run.
