General Santos City— Mas gipahugtan na karon sa 6th Infantry Division ang pagbantay sa siguridad human ang ikaduhgang pagbusikad nga naitala sa Isulan Sultan Kudarat kung asa tulo pa ka mga bomba ang gina-monitor.
Sumala kang BGEN. Cirilito Subihana, commander sa 6th ID nga gawas sa Isulan, ilaha karong ginamonitor ang syudad Tacurong ug Esperanza nga maoy posibleng sunod nga target.
Pamahayag niini nga basi sa impormasyon nga ilahang nadawat, adunay lima ka mga bomba ang pabuthon sa managlahing lugar sa rehiyon partikular na sa Sultan Kudarat.
Dugang pamahayag ni BGEN. Subihanan nga kanunay ang mga bahad sa siguridad sa ilahang area of responsibility kung asa iyaha ng gipahimangnuan ang iyahang sakop nga mas pakusgan ang pagbantay sa siguridad.
Sumala niya nga adunay kalahian ang duha ka mga IED nga mibusikad kung asa ang una ang gikan matud pa sa grupo ni Kumander Bongus, samtang ang ikaduha ang ginama sa grupo sa Dawla Islamiyah Torayfe Group.
Sama matud pa nga mga miyembro sa Bangsamoro Islamic Freedom Fighters kon BIFF apan ang grupo ni Torayfe maoy identified nga ISIS inspired.
Kalabot niini, gibutyag ni BGEN. Subihana nga nagpatuman na sila ug lockdown sa Isulan human ang maong insidente apan ilahang ginatugutan ang mga empleyado ug mga adunay importanteng transaksyon sa lungsod.
Apan gibutyag niini nga kadtong mga walay importanteng himuon ang wala una nila ginasugtan nga muslod aron nga matapos ang imbestigasyon. Sa karon matud pa, dili pa niya mabutyag kunghangtud kanus-a ang ginapatumang lockdown.
