Laing tulo na usab ka mga miyembro sa New Peoples Army kon NPA ang nibalik sa sabakan sa gobyerno sa lungsod sa Impasug-ong, Bukidnon.
Matud sa Philippine Army nga ang tulo ka mga miyembro sa NPA gi-ila lamang sa mga alyas Dave, 22 anyos; Alias Darwin, 28 anyos; ug Alias Aidel, 25 anyos, nga nitahan sa 8th Infantry Battalion.
Matud sa AFP nga uban sa gisurender sa alyas Dave ang M79 grenade launcher rifle samtang ang duha ka mga miyembro sa Milisyang Bayan nga nitahan, dala usab ang ilang sub-machine gun ug magnum 22 ug mga bala.
Nasayran nga ang maong mga NPA ilawom sa Guerilla Front 4B.
Gibutyag usab ni Lieutenant Colonel Ronald Illana, ang 8IB commanding officer, nga ang maong mga surrenderes community support program sa kasundaluhan.
Sigun ni Illana nga nakumbinsir sa tropa sa gobyerno ang maong mga NPA apil ang ilang mga tag-suporta nga i-abandona ang pakigbisog ug mubalik sa kalinaw pinaagi sa massive information dissemination campaign sa kasundaluhan sa Enhanced Comprehensive Local Integration Program (E-CLIP).
