Tulo ka mga New People’s Army kon NPA diin usa niini menor de edad ang nitahan ngadto sa 8th Infantry Battalion, 4th Infantry Division, Philippine Army kaniadtong Sabado, Agosto 11.
Ang tulo gi-ila lamang nga sila si alyas Marben, 17 anyos ug miyembro sa Militia ng bayan, igsoon niini nga si alyas Rodel, 19 anyos ug kanhi regular nga miyembro sa Company Malayag, Sub-regional committee 2, North Central Mindanao Regional Command ug usa ka alyas Ryan, 26 anyos ug kanhi supply offcer sa Sentro de Grabidad Dario sa NCMRC.
Gidala sa tulo sa pagtahan ang usa ka calibre 45 nga adunay upat ka mga bala, usa ka garand nga adunay tulo ka mga bala ug usa ka carbine nga adunay 20 ka mga bala.
Nitahan kini sa tabang sa mga Indigenous People nga nahimong miyembro sa Philippine Army.
Samtang gitunol usab ni Lt. Gen. Felimon Santos Jr. ang commander sa Eastern Mindanao Command ang salaping cash sa tulo ka mga NPA isip ganti sa ilang pagtahan.
Dungan niini gikondena sa maong opisyal ang padayon nga pagrecruit sa mga NPA sa mga menor de edad.
Sa karon nakatala na ang 8th IB ug 132 ka mga kanhi rebelde nga nitahan ug kamulo nang gihatagan ug benepisyo ilawom sa E-CLIP program sa gobyerno.
