Lakay naglemmes iti baybay gapu ti depresion, Natay!

iFM Laoag – Naglemmes ken pimmusay ti maysa a senior citizen iti baybay a paset ti Brgy. 37 Calayab, Laoag City Ilocos Norte gapu ti maipagarop a depresion.

Nabigbig ti biktima a ni Mr. Santos Mariano, agtawen pitupulo ket maysa (71 y/o), naasawaan, maysa a Brgy. Tanod ken residente iti Brgy. 27 Nuestra SeƱora de Soledad iti siudad ti Laoag.

Segun kenni Brgy. Captain Madelyn Padayao, kapitana iti Brgy., basar ti impormasion nga inpasingked dagiti annak ti biktima, agsagsagaba ni Mr. Mariano ti depresion nu sadinno ditoy adda iti suicide letterna a nakasiled iti motorsiklo nga inusarna a napan iti nadakamat a baybay.


Inpakaammona nga apaman a naawatda ti report a naggapo iti PNP Laoag ket insigidada a napan ti baybay a napan nangiwayat ti search and rescue operations, iti kooperasion dagiti opisiales ti barangay.

Naammoan nga alas tres (15:00) itay malem idi pimmanaw ti biktima iti pagtaenganda iti Brgy. 27. Iti isasangpetna iti lugar ket nakaawat ti pamilyana iti maysa a text message nga inpakaammona nga adda iti surat a basaenda.

Basar kadagiti opisiales a napan nagrescue pinadasda nga inrevive wenno inwayatan ti CPR wenno cardiopulmonary resuscitation ti biktima iti alas kuatro kinse (16:15) ti malem sakbayda nga intaray iti ospital ngem naideklarar a dead on arrival.

Agpapan ita gundaway ket agtultuloy met ti imbestigasion dagiti otoridad para iti naananay a detalye ti pasamak. (Joe Anne Agustin, RMN News)

Facebook Comments