Muabot sa 150,000 pesos ang gibana-banang damyos sa sunog sa may Purok 8 Barangay Buruun sakop ning dakbayan sa Iligan kagahapon sa buntag.
Kahinumduman, nga maoy nasunog ang panimalay sa usa ka Estrella Canoy Pahaganas diin sumala sa Bureau of Fire Protection, hinimo sa mix materials ang maong balay.
Sumala sa BFP, sa initial nilang imbestigasyon, problema sa kurente ang ilang gitan-aw nga hinungdan sa maong sunog diin nagsugod kini alas 4:54 ang takna sa kadlawon, na under control alas 5:15 sa buntag ug gideklarang fireout alas 5:42 sa kabuntagon.
Naka angkon usab ug paso sa walang kamot ug abaga ang usa ka Dickies Jolo Antequinia, apan dali kining natambalan sa mga ginsakupan sa BFP.
Nagpadayon pa gihapon ang imbestigasyon sa Bureau of Fire Protection labot sa maong insidente.
